LMH Market Saarthi ("hum", "humara", "app") ek retail POS, billing aur inventory management application hai jo stores ke business operations manage karne ke liye banaya gaya hai. Ye Privacy Policy batati hai ki hum kaunsa data collect karte hain, kyun karte hain, aur aap is data ko kaise control kar sakte hain — jab aap humara Android app, web app (lmhmarketsaarthi.in) ya storefront use karte hain.
1. Hum kaunsa data collect karte hain
1.1 Account & Store Information
- Owner/staff ka naam, email address, mobile number, password (encrypted/hashed)
- Store ka naam, address, city, state, GSTIN, UPI ID, business type
- Subscription aur billing cycle details
1.2 Business Data (aap jo app mein daalte hain)
- Products, categories, prices, stock/inventory
- Invoices, bills, orders, returns & exchanges
- Customer records jo aap apni dukaan ke liye banate hain (naam, phone number, address, purchase history, store-credit wallet balance)
- Suppliers aur purchase order records
1.3 Device & Usage Data
- Device type, OS version, app version (crash reports aur support ke liye)
- Firebase Cloud Messaging (FCM) push-notification token — sirf app-related updates/announcements bhejne ke liye, store ke andar generate hota hai, humari taraf se sell/share nahi kiya jaata
1.4 Payment Information
Subscription payments Razorpay ke through process hote hain. Hum aapka card/UPI/bank detail apne servers par store nahi karte — ye seedha Razorpay (PCI-DSS compliant payment gateway) handle karta hai.
2. Hum is data ka use kaise karte hain
- App ke core features chalane ke liye — billing, inventory, invoicing, reports
- AI Growth Insights: aapke store ka anonymized sales/inventory data (koi customer PII nahi) Google Gemini API ko bhej kar business insights/forecast generate karte hain — ye feature optional hai aur sirf aapke dashboard mein dikhta hai
- WhatsApp ke through bill/receipt/offer bhejne ke liye (sirf jab aap khud trigger karte hain)
- Transactional emails (welcome, password reset, daily sales summary) ZeptoMail ke through
- Push notifications (app updates, announcements) Firebase Cloud Messaging ke through
- Customer support aur app improvement ke liye
3. Third-Party Services Jo Hum Use Karte Hain
| Service | Kis liye |
|---|
| Google Firebase | Push notifications (FCM) |
| Google Gemini AI | AI Growth Insights (anonymized sales data analysis) |
| Razorpay | Subscription & storefront payment processing |
| ZeptoMail (Zoho) | Transactional emails |
| WhatsApp | Bill/receipt sharing (sirf aapke apne action se) |
Ye saare services apni respective privacy policies follow karte hain. Hum aapka data in services ko sirf feature-delivery ke liye bhejte hain, marketing ya resale ke liye nahi.
4. Data Sharing
Hum aapka ya aapke customers ka personal data kisi third-party ko bech nahi te. Data sirf upar diye gaye service-providers ke saath, feature-functionality ke liye zaroori extent tak, share hota hai.
5. Data Storage & Security
- Har store ka data multi-tenant secure database mein alag-alag isolated rehta hai
- Connections HTTPS/TLS encrypted hote hain
- Passwords bcrypt se hashed store hote hain, plain-text mein kahin save nahi hote
- Regular backups liye jaate hain
6. Aapke Rights
- Apna account data kabhi bhi view/edit kar sakte hain app ke Settings se
- Account delete/data-export request ke liye humse contact kar sakte hain
- Push notifications app settings se disable kar sakte hain
7. Data Retention
Hum aapka data tab tak retain karte hain jab tak aapka account active hai. Account band karne ke baad, applicable legal/tax record-keeping requirements (jaise GST records) ke alawa, aapka data reasonable time period mein delete kar diya jaata hai.
8. Children's Privacy
LMH Market Saarthi business owners aur unke staff ke liye bana hai — ye 18 saal se kam umar ke users ke liye nahi hai, aur hum jaanbujh kar bachchon ka data collect nahi karte.
9. Policy Mein Changes
Hum is Privacy Policy ko samay-samay par update kar sakte hain. Koi bhi material change hone par is page par "Last updated" date change ho jayegi.
10. Humse Sampark Karein
Privacy se related kisi bhi sawaal ya request ke liye, humein email karein:
support@lmhmarketsaarthi.in
Ya app ke andar "Help & Support" section se directly ticket raise karein.